星期六, 5月 10, 2014

公主駕到

攰到爆的一天…!!!

星期三, 5月 07, 2014

Good cop Bad cop

晚飯時芝麻又一如以往,扭計唔肯吃飯。

「唔食,唔鍾意!」
「爹爹媽媽都食喎,妳都試吓啦好無?」
「唔鍾意!媽咪抱抱~~」
「食一啖啦,好冇?」
「媽~咪~抱~~抱~~~」(大聲尖叫怒哭)

說時遲那時快,bad cop爹爹變身!爹爹說: 「好!你大喊!爹爹講過乜?你喊,Olaf就走!你喊爹哋就沒收玩具!」

然後爹哋馬上走到客廳,把她的玩具一件一件裝入箱內, 首當其衝是她心愛的Olaf公仔。芝麻見狀當然完全失控發狂地哭叫:「No way! No way!!!!! 我要~玩具!我要Olaf!!」

爹哋: 「你繼續喊我就繼續收!你唔喊我就停!」
(眼看自己心愛的玩具一件件被收去,加上媽咪這個good cop在旁安撫, 芝麻終於斷斷續續的收聲)

「爹哋,sorry... 」
「好啦... 」 (抱抱)
「爹哋,玩具please...」 (楚楚可憐聲)
「冇㗎啦,你記唔記得你上次大喊時Olaf都走咗?要過幾日你乖乖佢先返來?」
「嗚嗚嗚嗚嗚~~~~~」

(good cop 出場)
「唔好喊唔好喊,媽咪錫哂!!!我哋一齊睇書書好唔好?」
「好..... 媽咪.........講古仔please?」 (芝麻終於再次露出歡容)

(此鬧劇每晚都在我們家上映,風雨不改。 ~_~)

冬之谷