星期二, 8月 31, 2004

iMac G5

OH_____MY_____GOD..... The NEW iMac G5:


TAR5﹕
估唔到連續兩集都係non-elimination leg﹐Brendon and Nicole 加油呀~~

星期一, 8月 30, 2004

英雄

英雄居然成為美國上周末既票房冠軍﹐以一部外語片來講真是非常好的成績。我兩年前已看過VCD﹐可能隔了太耐﹐印象已非常模糊。記得套戲都還可以﹐有點沉悶﹐尤其對齣戲結局想表達既信息非常不認同。Cinematograpy的確唔錯﹐可是整體來說肯定沒美國影評講得咁好。外國人的taste真的跟我們很不一樣。在電視看到一個影評人話章子怡係 "The most beautiful face on the big screen." ﹐反而張曼玉則無乜人識欣賞。真的可怒耶。好似佢o地覺得劉玉玲好靚咁﹐我真的不敢認同。

一直都有用開BiothermSource Therapie﹐效果非常好。用了後我從小到大都有既皮膚敏感真的少了很多。最近從雜誌知道新推出了Source Therapie Yeux! 立即撲去入貨﹐希望可以同黑眼圈﹐眼袋和眼幼紋講拜拜啦~


iPod Tattoo?? 得唔得呀?? 貼左會唔會好核突?

星期日, 8月 29, 2004

悠閑日

行o下街食o下野﹐咁又一個星期天。。。

山頭火仍然係人山人海﹐IT既朱古力eclair仍然咁好味。^_^

又買埋d無謂野﹐不過唔係我自己要o架﹐係要送人既﹕


Weekend話咁快就過﹐明天又要返工了。。。唉!

星期六, 8月 28, 2004

買屋

今日又去o左睇屋﹐終於看到一間o岩心水既! 屋主係designer﹐所以樣樣o野都upgrade晒﹐攪到成間屋好似model home咁﹐好正~ 唯一美中不足既係d電線起得實在太近間屋﹐很礙眼。此外所有o野都好perfect。地點好﹐又夠大﹐又光猛﹐d房四四正正﹐仲high ceiling添。除了客廳有火爐外﹐主人房還有一個﹐好romantic呀。 o^_^o


希望可以傾掂價錢啦﹐ 看了咁耐屋真係呢間最好了。。。 不過如果買得成﹐我o番香港時就無錢買o野了﹐哎喲~

星期五, 8月 27, 2004

無無謂謂

D先生得閑無事幫我部Powerbook加o左條Tote & Tilt柄。話除了可以當手柄方便攜帶之外﹐開o左部電腦後因托高了機身﹐所以還有散熱既功能。我真的半信半疑。無啦啦多o左條o野嚮部電腦度真係有點礙眼, 用來戚起成部Powerbook我又唔敢﹐容乜易d螺絲鬆o左我成部電腦跌埋落地下o架。真的好無謂啊~


有沒有看過craigslist.org既"missed connections"﹖究竟有無人真係咁可以識到男/女仔o架﹖有一篇是這樣的:
COFFEE BEAN yesterday @4pm - m4w
hi-
you were chatting with a guy wearing a blue oxford and tie. You seemed uninterested or maybe a first meeting. We made eye contact many times as I was looking for parking. You left by the time I got there. Hope to hear from you.

咁都可以碰得番﹖就算個女仔有咁o岩得咁橋睇到呢個post﹐個女仔鬼知係講緊佢咩! 就算個女仔知道係自己﹐佢又點知呢個男既係乜水﹐又點會覆佢呢﹖﹖

星期四, 8月 26, 2004

Photobucket

一直都想找個免費既Image Hosting Service來儲這個blog的相片﹐因我個webhost既10MB實在唔夠用。終於在光的網頁給我找到www.photobucket.com。 成100MB儲存空間﹐每月流量上限2500MB﹐最重要係完全免費! 實在太好了~~ ^_^


新天地精品出o左個超得意既Hello Kitty結婚指環座。雖然我唔係要結婚﹐但係都好想要呀。買定嚮度第時用都好o丫。

今晚的晚餐﹐Savoy既海南雞飯(全LA最正既海南雞飯)+蝦春卷。好好味呀﹕

星期三, 8月 25, 2004

TAR5

The Amazing Race 5真是最好看的Reality TV show!! 我從第一季看到第五季﹐真是一年好過一年。比賽隊員既關係引人入勝﹐環遊世界的風景鬼咁靚﹐Road Block 和 Detour 又考智慧又考體力﹐剪接永遠都係無懈可擊﹐名乎其實集集緊張集集刺激。

每季都梗有一個參賽者係神憎鬼厭既(好似TAR3既Flo)﹐今年就係Colin。我真係戥他的女朋友Christie可憐﹐居然成日要對住個咁陰濕既人。成日自以為是﹐有乜唔順佢意就賴晒落Christie度。真係一段典型既Abusive relationship。


Dumb @$$ Colin!!!!!!!!! 昨晚的TAR5真的看到我眼火爆。明明係Colin自己衰格﹐想搭霸王的士。在非州坦桑尼亞鬧到上差館﹐對住d警察仲係度牙擦擦。最後終於都要付的士錢﹐ 一路比錢仲一路鬧Christie話做乜唔support佢。WTF﹗

最激氣既係呢一集佢o地居然係第一隊到達目的地﹐Christie最後還說 "I shouldn't have gotten mad at him." 有無攪錯!! 比著係我﹐我一早已飛起d咁既廢柴。真是一個願打一個願捱啊。。。

星期二, 8月 24, 2004

好痕呀

今朝一早起身﹐入廁所刷牙洗面沖涼﹐突然發現我身上多了一噠好似被蚊叮過的痕﹐不過比普通蚊“難”大五倍有多!! 一大塊紅腫一片﹐嚇死我喇。D先生話應該係被蜘蛛咬﹐又話可能有毒﹐攪到我成朝都覺得周身痕。。。回家後立即噴殺蟲水和換床單﹐好驚呀﹐一想到有隻蜘蛛係我床到欄來欄去就打冷震~ 看來今晚都無覺好月訓了。 :(


晚上D先生帶我去試了間新餐廳Sushi Dan﹐就在我最愛的Katsu-ya附近。裝修沒有Katsu-ya咁講究﹐不過d野都幾好食和很新鮮,而且仲平好多添! 我們兩個人叫了差不多四人份的sushi﹐埋單只得$54! 假如在Katsu-ya的話肯定最少要$90埋單。他們都有spicy tuna with crispy rice﹐無Katsu-ya咁好食﹐不過以這個價錢來講已經係超水準o架啦。

星期一, 8月 23, 2004

快放假了

終於落實十一月尾番香港。譚媽則早我回去﹐九月尾就去陪譚爸(話就話陪﹐其實係要去 “o及”實佢^_^)。譚細佬十一月會去歐洲玩﹐之後會飛香港和我們會合 (他話要環遊世界wor)。到時唔知譚爸租的迷你單位夠唔夠我們五個人住呢。。。hehe。看來要儲定錢到時買o野了。不過住到沙田咁遠﹐唉~ 除了去香港澳門外我們還會番鄉下﹐所以下星期要去中國領事館辦簽證了。

因傷風的關係﹐已兩個星期沒有去做hot yoga。今天雖然還有點咳﹐但已好了很多﹐於是拿拿聲去上堂。上堂時企我前面的男仕好攪笑。他手手腳腳﹐成個心口和背脊都生滿黑孟孟既毛﹐十足一隻大猩 猩。。。好核突呀~ 做完90分鐘瑜珈﹐出了一身汗後成身都鬆晒﹐連咳和喉嚨痛都無埋。好o野!

星期日, 8月 22, 2004

香噴噴

已用了很多人都推薦的Laneige Strawberry Yogurt Pack一段日子。初初用時真的覺得很正。覺得嘩﹐好香呀~ 用完之後成塊面都係士多啤梨味﹐好呀~ 不過用了這麼久﹐我到依家都唔係好清楚究竟搽o黎做乜? 好似除o左香之外d皮膚一點都沒變。 又唔覺有保濕﹐又唔覺有美白﹐毛孔又無細o左。。。究竟係用來做咩o架???!!!


買o左啦買o左啦~~ Compaq Presario 2103, AMD Athlon XP-M processor 2800+。希望唔係平o野無好啦。不過得256MB RAM, 看來譚媽帶番香港之前要upgrade o下lu。

星期六, 8月 21, 2004

第一次

昨天開車回家時去USC兜埋表妹返Irvine。她上星期第一次離家搬到大學宿舍﹐很不習慣﹐又想家。聽說偷偷哭了幾回呢。一路上聽她傾訴著第一天住進宿舍時的興奮和不捨﹐令我想起我第一年進大學時忐忑的心情。那時我也跟她一樣﹐一方面好驚﹐另一方面又好期待。四年的大學生涯像風一般的過去﹐真的很懷念啊~


港乒孖寶﹐恭喜恭喜!

iPod Mini 熱播中﹕
聽話了

夢見這平凡的香港染病了
一屋裡的人似太忙 相見也很少
沒有愛和時間你太失敗了 (為什麼 為什麼)
家裡其實最美妙 大世界 無情的都可接受了
不懂有些朋友作為 真正太可恥
為買笑 能忘記 老伴傷害了 (為什麼 為什麼 )
親愛其實最緊要 人生真可笑 甘苦可對調
能懂得處處放開忍讓對方 饒恕一式半招
Oh baby蠢 不緊要(一點不可笑)
蒼天可照料 如果雙眼看遠方失去對焦
而你真的染病了 若有錯能提早一點去認了
改過有朝成了偉人 相信也不少
在我這言詞裡你會長大了
(為什麼 為什麼) 聽了期待你明瞭
若要變 能重複三思最重要 真本性做人要有情
不要貪新鮮 遇上了 如常永遠得啖笑
(為什麼 為什麼) 一句全部說穿了
如果雙眼看遠方得到對焦 全個香港在笑

星期五, 8月 20, 2004

排名先後

新一年的美國大學排行榜出場了! 譚細佬的學校跌到第五位﹐還要和另外兩間大學平分。too bad! :P 我的母校則仍然企硬在第二十五位。。。其實排行榜對於以工作多年的我們已沒有什麼作用﹐只是一點點的虛榮感罷了。

昨天奧運的200米背泳決賽真是緊張刺激﹐Piersol以一分五十四點九五秒的佳績﹐本來以為可以輕輕鬆鬆的奪金。誰知道d評判一個唔該就取消他的資格(DQ)﹐話他在轉身時犯了規。幾分鐘之後又話證據不足而比番個金牌佢。你咕玩咩﹖!! 真係心血少d都被嚇死。最慘係拿銀牌的Rogan﹐本以為得銀﹐忽然話有金牌拿﹐忽然又無o左。。。


居然被我找到李碧華既<<月媚閣的餃子>>(三更2之餃子)。係唔係真既就唔知喇。 好驚呀~

星期四, 8月 19, 2004

棒球

今晚被逼去看了一場棒球比賽﹐ LA Dodgers對Atlanta Braves。 Baseball真是所有運動之中最悶既一項啊。差不多四個多小時的比賽﹐大部份時間d隊員都是企o左係度,無所事事。真係唔明點解會有人鍾意看﹐悶死我啦~~ 好彩球場內有小食店﹐人o地係度看球賽﹐我就係度開大餐。食完熱狗食Nachos,然後又食雪糕。還飲了一大杯啤酒﹐mmmmmmm :)。最開心既係Matthew McConaughey也在場!! 坐在觀眾席的他真係好高大靚仔呀!!!!! 攪到我成晚都暈得一陣陣。oT_To


PowerBook G4 舊電池被發現有問題﹐我已register了換電池。如果你唔想部G4 overheat既話就快d去register啦﹕
15吋 PowerBook G4 電池交換活動

星期三, 8月 18, 2004

Princess Diaries 2

終於看了"Princess Diaries 2: The Royal Engagement"。如果你還未看的話﹐在此奉勸你一句﹕千祈唔好去~~ 套戲真係廢到唔可以再廢。故事又無乜﹐對白又低B﹐佈景又假到暈﹐男女主角又醜樣。 我都還好﹐勉強看完整齣戲。D先生看到一半便已睡著!唯一支持我看下去的是Julie Andrews。(我是仙樂飄飄處處聞的擁躉)看到她開金口唱番隻歌時真係抵番晒。(雖然那場戲老老土土)

對股票沒有什麼認識﹐不過近來所有人都在討論Google既IPO。究竟買唔買得過呢﹖大拿拿$85一股wor。。。

星期二, 8月 17, 2004

補償心理

為什麼我會那麼喜歡Shopping﹖是有原因的。

二十三歲那年感情上受到重創﹐有生以來第一次感受到什麼叫錐心之痛。發現心痛和心碎不止是比喻﹐原來個心真的會physically痛。那次是我生平第一次跌進谷底﹐每日以淚洗面﹐朝朝起身乜都唔想做﹐連生存既勇氣都差點無埋。經過幾個月的頹廢生活後﹐有一天﹐突然走去買了部Sony Hi-Fi比自己。發覺﹐好似好番d播! 於是買o下買o下﹐每次花完錢後總覺得心裡舒服了很多。其實只是因為時間慢慢地沖淡一切。但“買o野可以開心d”既概念已根深締固。

從那時起﹐無論發生什麼事情﹐有幾PK﹐我都可以同自己講﹐那次衰到貼地我都挨過了﹐還有什麼是解決不了的? :) 唔開心﹐o米去買o下野囉~

明晚開的六合彩成五千萬!! 記得買呀。

星期一, 8月 16, 2004

煩人的問題

自廿五歲生日後﹐就不斷被三姑六婆﹐姨媽姑姐﹐熟或唔熟的朋友﹐甚至三唔識七既人不斷重複又重複地問著同一個問題:
你幾時結婚呀﹖

為什麼過了廿五歲就一定要結婚﹖我覺得現在幾好o丫。有完全自由的空間﹐但需要的時候男友又會係左近。 除非要生BB啦﹐不過我還未想生wor。可能因為我係人馬座的關係﹐仍然未想被困住。潛意識覺得結了婚後﹐成世就係o甘lu。真係好驚。

所以﹐我求求你們﹐不要再問我呢個問題啦~~

有一位做婦科醫生的朋友﹐他每天都deliver最少幾個BB。跟他說起電影“餃子三更2之一”的故事﹐他反應好激﹐“o夏?? o甘變態既!!” 我都深有同感﹐是誰這麼變態想出d o甘核突既古仔?

星期日, 8月 15, 2004

袋袋

家裡的Tylenol Cold都給我食光﹐於是今天唯有食幸福傷風素。不知是否太耐沒有食過這隻藥﹐還是藥性加強了。吃完二十分鐘後我居然便昏睡過去﹐一睡就是三個鐘。好勁呀~~

好想要個袋啊﹐ 唔知譚爸肯唔肯幫我買呢﹖:) 最衰這邊沒有HR啦。。。


譚媽有個Auntie朋友想約埋她一齊去臺灣整容﹐話要去抽面部脂肪wor。 嘩~~在我正要考慮絕食抗議之際﹐譚媽已宣報她不會去。好彩!! 幾十歲人還整什麼容呀﹐一唔好彩碰到個黃綠醫生仲衰。越想越驚﹐好險! 那個Auntie這年紀還要因跟人爭風呷醋而去整容真是有點那個。。。不要帶壞我譚媽啊。

好! 飲飽食醉﹐係時候向South Coast Plaza出發~
後補﹕今天的戰利品- 兩條牛記加兩件衫加小秘密都已超過成舊水﹐扮靚真係好貴呀。(係度寄語呀四小姐﹐你件top減價了~)

星期六, 8月 14, 2004

馴情記

無緣看現場演繹﹐唯有看VCD。學呀蘇玉華小姐話齋﹐“淨係見到林一峰彈結他,已經暈低啦!” o^_^o 歌曲都是開開心心的,唱出年輕人的喜怒哀樂。青春永遠都是那麼美好的一回事。不愧為我最喜愛的唱作人啊。


iPod Mini 熱播中﹕
應該拍下照片


記得玉桂的氣味 記得秋天的假期
卻總想不起我於哪個咖啡室邂逅你
然後再度重遇你 拿著破地圖一起
到訪古堡跟雪地

記憶這麼細膩 卻已分不清距離
也記不起跟你牽手逛過幾千百萬里
然後帶著行李 留下快樂和驚喜
踏上飛機返故地

* 當天真的想不起 或我不想記起
沒留下證據掛念遠方的你

應該拍下照片 與過去近一點
即使好戲定會完也會與記憶相見
將瑣碎事捕捉 放進相機光圈
讓被定格的幸福 記載我的想念
(進駐每格底片) 有證據有分吋

怪要怪風光優美 我已不懂得吸氣
握握手說高興邂逅你 然後我字條亂放
忙著找一個焦點 然後孤單返故地 *

與過去再相見 與你再見一面
你我卻已經早改變

星期五, 8月 13, 2004

港姐與奧運

港姐決賽(點解今年無分準和總決賽既﹖) 和奧運揭幕禮居然撞時間! 貪心的我唯有猛按remote轉台﹐跳來跳去﹐好彩都看到兩個節目最精彩既部分。徐子珊的確係幾靚﹐亞軍就得個高字﹐季軍。。。。。。。。。。

香港隊加油! :)

星期四, 8月 12, 2004

珍惜眼前人

D先生的祖母今年已九十五歲了。生日會的壓軸節目是讓所有人都坐在火爐邊圍住女主角﹐聽她訴說她九十多年來的故事: 她的父母﹐她讀書時的趣事﹐她第一份工作﹐第一和第二次世界大戰時的情景。。。年老的她居然仍然記得起所有細節。當我活到她的年紀時﹐我還會記得所有的事麼﹖回家的路上我很感嘆﹐也很後悔。我的祖母和外婆都已經不在了。為甚麼我沒有趁早花多些時間去瞭解她們﹖留心聽她們訴說她們成長的故事﹖也許那時自己還小﹐自己的煩惱已是整個世界。根本無暇去理會他人﹐更加沒有興趣聽些陳年舊事。可惜現在想聽已經太遲。外婆的事我知道很少﹐只知道她在汕頭長大﹐讀書讀到三年班就已輟學﹐十七歲就嫁到黃家。祖母的事我知得更少。。。很多事都是失去了﹐才懂得珍惜。

回到家﹐興致勃勃的纏著譚媽 ﹐問她兒時的瑣粹事。 煩完她一大輪後﹐才稍為覺得彌補了一點點的遺憾。

要珍惜眼前人啊!

星期三, 8月 11, 2004

童話

頭又痛﹐喉嚨又痛﹐鼻又痛﹐背脊又痛。好辛苦呀。。。家裡的Tylenol Cold都快給我食晒﹐點解我都還未好番﹖﹖

買了"The Prince and Me"的DVD。雖然之前已在戲院看過一次﹐但仍然覺得好sweet,很好看。D先生笑我﹐話這套戲是拍比d十幾歲既靚妹看的。不過我唔介意﹐我認我由細到大都係鐘意童話式的愛情故事。如果一天我唔再相信童話的話我反而會覺得很悲哀。做人一定要留番點童真才有樂趣
o加o麻! ^_^


本來今晚想去看"Princess Diaries 2: The Royal Engagement" (又一套童話電影!),不過最終都係被傷風菌纏著。希望明晚會好d啦。

星期二, 8月 10, 2004

SIGGRAPH 2004

又到了一年一度既SIGGRAPH
(International Conference on Computer Graphics and Interactive Techniques)。所有關於CG既公司都聚首一堂。ILM, Sony, Disney, Pixar, Dreamworks 主要是招攬新職員﹐而Alias Wavefront, Apple, Adobe, Nvdia, ATI 等則著重推銷他們的新產品。我因為大傷風的關係﹐走了半天就決定打道回府。不過也看到了很多好正的科技﹐例如HDR monitors, Apple Motion 等等。

星期一, 8月 09, 2004

Quill


"當你有煩惱, 他必會耐心聆聽; 當你開心的時候, 他亦會高興得手舞足蹈; 當你遇上危險, 他更毫不猶豫上前保護你...從他身上看到了無條件的愛及尊重..."

紅粉網頁處看到JustGold的廣告﹕

。。。頂~~~
廿五歲大晒呀~~ 嗚。。。

星期六, 8月 07, 2004

好苦呀

弊啦!!!今朝一起身就發覺大件事﹕喉嚨痛! 一定是在D先生那處染過來的。這幾天我已經對他敬以遠之﹐點知終於都係中招~ 慘﹐因為我有喉嚨敏感﹐所以一咳就會手尾長。今天一收到消息譚媽就馬上進行補wok行動﹕維他命C﹐夏桑菊沖劑﹐板藍根片﹐三蛇膽川貝液﹐甚至浸左廿幾年﹐黑孟孟既陳皮都拿出來逼我食。真是苦了我的味蕾了。。。D先生﹐你好o野! 呢個仇我一定會報既~~

看 "20 30 40", 張艾嘉有一句對白很精警。她說﹐“父母老了﹐會離開。子女大了﹐會離開。男人﹐也會離開。” 做女人真的很苦啊。

iPod Mini 熱播中﹕
有愛沒愛我都不會慌

什麼事我最渴望 睡懶覺 和不化妝
搬到一個小村莊 真的去數羊
一個人遊蕩 直到 錢都 花光
也許整夜站在露台上 吹風 發呆
看遠方 直到好久不見的晨光 撒在 身上
什麼事 我最渴望 寂寞著 卻不彷徨
孤獨著 卻不悲傷 我會這樣想 若不再歌唱
我就 要去 流浪 鬼才相信愛是避風港
幸福 太難 去假裝 有愛沒愛 我都不會慌 未來 很長
忙著發呆 忙著懶洋洋 管他 別人 怎麼看或怎麼想
這是我對自己的補償 我要的生活就是這樣
也許整夜站在露台上 吹風 發呆 看遠方
有愛沒愛我都不會慌 未來 很長 很長

一比三, 新聞講得好﹕"中國輸了球賽 日本輸了道理"。

星期五, 8月 06, 2004

心思思想渡假

今天給我找到去Florida的平機票﹐從LAX 到Orlando 既來回機票只要$160!!! 好抵呀! 我想去Disney World 想了好耐啦。因為Disney既酒店我可以拿到半價discount﹐而Disney World 既入場券我又可以免費﹐所以這個trip真的可以超平!

現在唯一的問題是請假。因為今年已去了大陸旅行﹐我現在只剩下四天假期。儲到十一月就有六天﹐剛剛可以去香港十一日。如果我現在就請假去Disney World﹐到時要番香港我就唔夠使啦。唉?!!! 點算呀~~

看完The Village之後就迷上了Joaquin Phoenix﹐好想看番他的舊戲。好﹐一於今晚去租Signs。他真的好型呀~~~(發晒癲o^_^o) 原來他和Claire Danes拍過一套 "It's All About Love"﹐在歐洲一早已上畫。幾時先係美國做呀﹖﹖ 好想看呵呵呵!


今期六合彩成二千八百幾萬﹐你買o左未﹖

星期四, 8月 05, 2004

星期四無o野做

早排一次過買了幾本小說﹐一本接一本的看。剛剛看完奇幻旅館。很好看呵~~ 我想這是我看過的林詠琛小說中我最喜歡的一本。比她的 “消失” 系列還好看。詠琛的書都總是有點魔幻既元素﹐正中我下懷。:)

今天上班時很懶散﹐什麼都不想做。一個月裡總有一兩天是這樣。有乜解救呢﹖

D先生大傷風﹐請了病假留在家休息﹐那兒都不能去。今晚我做了廿四孝女友﹐買埋晚餐去孝敬佢。不過﹐千萬千萬不要惹到我呀!!!

好悶的星期四啊~~~~~

愛情占卜-愛情翹翹板!

星期三, 8月 04, 2004

瘦身

欣宜又瘦了! 張相係唔係touch up過o架~~ 看來比書展時還瘦很多呢。

(後補﹕新聞話原來照片係被人用電腦效果將其胸部加上陰影o架﹐嘩哈哈~~)

星期二, 8月 03, 2004

The Village


The Village沒有想像中那麼恐怖,一o的都唔驚既! 不過都蠻好看。M. Night Shyamalan 的電影總是有個 "twist"﹐這套也不例外。如果電影開頭既節奏可以快些﹐和如果觀眾無咁快就知道套戲既大秘密﹐我想會更加好看。

Doom^3 終於出了﹐D先生第一時間買來玩。o的graphics真的很逼真啊! 我想未來的幾個禮拜D先生都離不開他的電腦了。:)

好憎The Amazing Race 5 既Mirna呀!!!!千萬不要讓她們贏啊~~~

星期一, 8月 02, 2004

Notebook

早幾天譚爸打電話來叫我看看有沒有便宜的Notebook computer﹐如有抵買的就幫他買一部﹐託龜叔叔下次回澳門時帶給他。誰知道龜叔叔今天打電話來說他星期四便會回澳門﹐可以幫我們帶東西給譚爸。時間這麼急﹐叫我怎樣在兩日內幫譚爸買手提電腦呢? 我暫時看中Dell部Inspiron 1000。因譚爸只需要用部電腦來上網﹐所以不用最好的。如果有誰知道那兒有抵買的Notebook﹐請留言給我!

樓下的住客上星期搬走了﹐Apartment Manager 今天請了油漆師傅來油新間apartment﹐準備給新的住客。本來無乜點﹐不過晚上回家時發現我的apartment因樓下的關係攪到成屋都是油漆味! 好嗅呀!!! 回來後已經開晒所有窗和抽氣扇﹐但到現在還是很大氣味。我今晚睡覺時會唔會被焗死o架~~ :(

你是熱底還是寒底呢﹖

星期日, 8月 01, 2004

August



“我們習慣了想念﹐所以我們要分離。” - 紀敏
昨晚漏夜看完鄭梓靈的<<迷失在夢想國的戀人>>。第一次看她的書﹐所以特別不選她最新的小說﹐反而看她舊一點但獲得最多好評的作品。果然沒令我失望﹐很好看呀! 看完第一章之後就停唔到﹐一口氣看完成本書時﹐已是差不多零晨三點了。很感動的故事o阿!! 我通常不喜歡太慘的故事﹐但這次的結局真的很美﹐很美。

冬之谷